Við hjá Gosbrunnum ehf bjóðum upp á hönnun á ykkar hugmynd að vatnasvæði og í framhaldi af því veitum við ráðgjöf við val á búnaði til að ná fram þeim áhrifum.

Frá stofnun fyrirtækisins höfum við boðið upp á þessa þjónustu og hafa fjölmargir aðilar, bæði fyrirtæki og stofnanir sem og einstaklingar, nýtt sér þessa þjónustu. Hingað til höfum við fundið lausnir á mörgum mögulegum og ómögulegum útfærslum og hafa margar þeirra verið mjög frumlegar og skemmtilegar.

Í raun er það þannig að það er allt hægt, það eina sem takmarkar hugmyndina er áætlað fjármagn. Í flestum tillfellum er mögulegt að bjóða lausn sem fellur innan þess fjárhagslega ramma sem viðskiptavinurinn gengur út með.
Þau fyrirtæki sem við verslum við bjóða samanlagt upp á heildarlausn á flestum þeim verkefnum sem við höfum staðið fyrir.

Sem dæmi um hönnunarferli má taka þennan garð.

Viðskiptavinurinn óskaði eftir nokkrum útfærslum fyrir þennan garð. Þetta var ræktunarsvæði fyrir kartöflur sem ekki átti að nýta lengur. Hann langaði að fá aðra möguleika en gras fyrir svæðið og tjörn var einn valkostur.

Hér gefur að líta þrjár tillögur sem við buðum honum. Tillaga 1. Í þessari tillögu var gengið út frá litlum læk sem yrði staðsettur á smá hækkun, gerð úr þeim jarðvegi sem félli til við uppgröft tjarnarsvæðisins. Hér er gert ráð fyrir tjarnardúk og dælu með slöngu sem tengist við lækjareininguna. Lækjareiningin sem um ræðir er úr náttúrulegum glertrefjum sem veðrast vel og aðlagast vel svæðinu.
Tillaga 2. Hér er gert ráð fyrir lágum uppsprettum sem vatnið rennur úr á nokkrum stöðum. Þetta er ekki eins hátt og lækurinn og það ber minna á vatnsrennslinu. Í kringum uppsretturnar er mögulegt að setja gróður t.d. mosa eða grastegundir sem gefa svæðinu náttúrulegra yfirbragð. Það er sama útfærsla á dúknum og dælubúnaðinum.
Tillaga 3. Í þessari útfærslu er um að ræða einfalda gosbrunnadælu með dreyfispíss. Dælan er beint undir dreyfispíssnum. Þetta er einfaldasta og ódýrasta útfærslan. Dúkurinn er eins og í dælunum hér að ofan. Þessi viðskiptavinur tók tillögu 1 fyrir sitt svæði og gerði tjörnina út frá því.

Á höfuðborgarsvæðinu bjóðum við viðskiptavinum okkar að við komum í heimsókn og skoðum aðstæður. Við tökum myndir og punktum niður ykkar óskir. Í framhaldi af því útfærum við nokkrar tillögur með verði sem þið getið svo íhugað og skoðað hvort það sé í samræmi við ykkar óskir.

Þið getið sent okkur fyrirspurn um vörur eða bæklinga með því að smella hér.

Ef þið eruð að leita eftir upplýsingum eða fræðslu um vörurnar þá getið þið nálgast allar helstu upplýsingar á hönnunar og þjónustuhluta síðunnar með því að smella á tengilinn hér fyrir neðan.