Vatn er skemmtilegt efni.
Vatn getur verið fallegt og um leið slakandi. Gleðilegt og um leið hressandi.
Eins hefur vatn gifurlegt skemmtigildi og er það markmið Gosbrunna að bjóða viðskiptavinum okkar upp á heildarlausnir á öllum þáttum sem varða hreyfingu vatns og umhverfi þess.

Gosbrunnar bjóða uppá gosbunnadælur og tengdan búnað frá þýska fyrirtækinu OASE, sem er leiðandi framleiðandi á sínu sviði á heimsvísu. Einnig bjóðum við lækjareiningar, niðurgrafin vatnsforðabúr og tilbúnar vatnseiningar úr stáli, steini eða glertrefjum til að gera garðinn þinn fallegan og spennandi.

Samhliða vatnsvörunum þá býður fyrirtækið uppá lýsingu fyrir garðinn eða pallinn, skrautvörur í kringum tjörnina eða garðinn og garðstyttur og bekki til að fullkomna draumasvæðið þitt.

Við höfum nýlega hafið samstarf við Hollenskan heildsöluaðila sem býður upp á ALLT sem þarf fyrir vatnasvæðið þitt, sérstaklega sérhæfðari hreinsi og dælubúnað.

Staðsetning

Verslun okkar í Askalind 2 var lokað í október 2010 vegna ástands í þjóðfélaginu. Við höfum dregið saman seglin og opnað vöruafgreiðslu og lager að Malarhöfða 8 í Reykjavík. Lagerinn er staðsettur fyrir aftan bílaumboðið Ingvar Helgason, við hliðina á Steypustöðinni.

Um Gosbrunna

Gosbrunnar ehf var stofnað í mars 2005 eftir að hugmyndin hafði vaknað um að stofna fyrirtæki sem sérhæfir sig í öllu sem tengist tjarnargerð, gosbrunnum og vatnsflæði.

Annar stofnandi og eigandi fyrirtækisins, Svavar Björgvinsson, hefur starfað við tjarnarvörur og tengdar garðvörur í um 15 ár og á þessum tíma hefur hann sérhæft sig í þeim þáttum sem varða tjarnargerð, gosbrunna og tengda vöru. Gífurlegur áhugi hans á vatni og búnaði því tengdu varð svo kveikjan að stofnun fyrirtækisins ásamt því að vöntun var á markaðnum á fyrirtæki sem er sérhæft á þessum sviði.

Meðeigandi Svavars í fyrirtækinu er Hildur Sif Hreinsdóttir.

Frá stofnun hefur fyrirtækið einungis verið með vefsíðu þar sem fólk hefur getað skoðað vöruúrvalið og síðan pantað vöruna í gegnum internetið eða símleiðis. Fyrirtækið hefur ætið verið með helstu vöruliði á lager, en þær vörur sem hefur þurft að sérpanta hafa tekið skamman tíma í flutningi.

Í mars 2007 opnuðum við verslun og sýningarsal að Langholtsvegi 109. Þar gat fólk komið við og séð hluta af vörunum í gangi til að gefa gleggri mynd. Verslunin var samt fremur hulin og oftar en ekki átti fólk í vandræðum með að finna út hvar við værum.

Í mai 2009 þá fluttum við okkur í stærri verslun að Askalind 2 í Kópavogi. En vegna samdráttar í þjóðfélaginu þá urðum við að loka versluninni í október 2010. Nú munum við einbeita okkur að sérpöntunum á gosbrunnavörum og sölu á garðljósum. Samhliða flutningnum þá tók nýtt fyrirtæki í okkar eigu við rekstri vefsíðunnar.

Við höfum því flutt okkur um set og fært okkur í minna húsnæði að Malarhöfða 8, þar sem við erum með ljósin uppsett og til sýnis. Þaðan munum við afgreiða út vörur og senda. Opnunartími á lager verður samkvæmt samkomulagi, vinsamlegast hafið samband við okkur í síma 695-4220 til að fá frekari upplýsingar.